அஷ்டமி சப்பரம் 01 - 06 - 2021

ஓர் சமயம்   பூலோகத்தில் வாழும் சகல ஜீவ ராசிகளுக்கும் படி அளக்கும் நோக்குடன் பூமிக்கு செல்லவிருந்த  கைலாயநாதரிடம் அன்னை பார்வதி "இன்று படி அளக்கும் நாளல்லவா?!" என்று வினவினாள். ஆம் என்று பதிலளித்த சிவ பெருமானிடம்  "அனைவருக்கும் படி அளந்து விடுவீர்களா?! ஒருவரையும் விட்டுவிடாமல்?!" என்று கேள்வி எழுப்ப "இதிலென்ன சந்தேகம்...இன்றைய நாளின் சிறப்பே அதுதானே" என்று கூறிவிட்டு சென்ற மஹேஸ்வரனுக்குத்  தெரியாமல் அன்னை உமா தேவி ஓர் எறும்பை பிடித்து சிறு சிமிழில் வைத்து அடைத்து விட்டாள். 

பூலோகத்தில் இருந்து திரும்பிய அய்யனிடம் " அனைவருக்கும் வேண்டிய வரங்களை அளித்து படி அளந்து விட்டீர்களா?!" என்று கேட்டாள் அன்னை. " ஆம்" என்று கூறிய சிவ பெருமானிடம் " இல்லை நீங்கள் ஓர் உயிருக்கு மட்டும் படி அளிக்கவில்லை" என்று கூறி சிமிழைத் திறக்க... அச்சிறு எறும்பின் வாயிலும் ஓர்  அரிசி மணி இருக்கக் கண்டு அதிசயித்து போனாள் சக்தி. அண்ணாமலையானின் மகிமையை எண்ணி மெய்சிலிர்த்தாள்.

இந்நிகழ்வை கொண்டாடும் விதமாக ஒவ்வொரு வருடமும் மார்கழி மாத தேய்பிறை அஷ்டமி அன்று ரிஷப வாகனத்தில் மதுரை சொக்கநாதர் பிரியாவிடையுடனும்  மீனாட்சி அன்னை  தனியாகவும்   சப்பரத்தில் ஏறி மாட, மாசி வீதிகளில் உலாவி தம் பக்தர்களுக்கு     காட்சி அளித்து   அருள் பாலிக்கின்றனர். பக்தர்கள் சாலையின் இரு மருங்கிலும் அரிசி தூவி வழிபடுகின்றனர். அஷ்டமி சப்பர நன்னாளான  இந்நாளில் நாம் வேண்டும் நல் வரங்கள்  எதுவாக இருப்பினும்  சிவபெருமான் நமக்கு படி அளிப்பார்  என்பது நம்பிக்கை. 

சொன்னவர் : துளசி 

Comments

Post a Comment

Popular posts from this blog

அவதாரங்களின் முடிவு - நரசிம்ம அவதாரம்

Image
"நானே கடவுள் என்னை அன்றி யார் பெயரையும் உச்சரிக்க கூட அனுமதி இல்லை" என்று மூன்று உலகங்களையும் வென்று விட்ட மமதையில் இருந்த இரண்யகசிபுவிற்கு மகனாகப் பிறந்த பிரஹலாதன் ஹரியைத் தவிர வேறொரு நாமத்தை தனது  நா கூறாது என்று உறுதியுடன் இருந்து தனது உயிரையும் துறக்க தயாராக இருந்தான்.  "எங்கே உந்தன் நாராயணன்" என்று தந்தை வினவ " எங்கும் வியாபித்திருக்கும் பரந்தாமன் இந்த தூணிலும் இருப்பான்..எந்த துரும்பிலும் இருப்பான்" என்று கூறிய மைந்தன் முன் இரண்யகசிபு தூணை சுக்கு நூறாக உடைக்க அதிலிருந்து தோன்றிய நரசிம்மன் அவ்வரக்கனின் நெஞ்சைக் கிழித்து அவனின் கொடுமைகளுக்கு முற்றுப் புள்ளி வைத்தார் என்பது நாம் அனைவரும் அறிந்த கதை. கோபத்தில் கொந்தளித்துக் கொண்டிருந்த நரசிம்மரின் ஆவேசம் அங்கு சாந்தமடையவில்லை. அரண்மனையை விட்டு வெளியேறிய சிங்கமுகன் அருகிலிருந்த காட்டில் புகுந்து துவம்சம் செய்தார். அங்கு வசித்துக் கொண்டிருந்த பழங்குடி மக்கள் இதனால் பெரிதும் பாதிக்கப்பட்டு பயத்தில் மறைந்து வாழத் துவங்கினர். காலங்கள் கடந்தது. தனது அவதாரத்தின் பலன் நிறைவடைந்த பிறகும் விஷ்ணு வைகுண்டம் திரும்பவ...
Read more

கண்ணன் வந்தான் எங்கள் கண்ணன் வந்தான்

Image
பூலோகத்தில் பெயரளவிலேயே அரசர்களாக விளங்கும்  அசுரர்களின் எண்ணிக்கை அதிகமானதால்  பாரம் தாள முடியாமல் பிரம்மனிடம் சென்று முறையிட்டாள் பூமாதேவி. அவளை அழைத்துக்கொண்டு தேவர்கள் புடைசூழ முக்கண்ணன் உடன் வர பாற்கடல் வாசனை காணச் சென்றார் பிரஜாபதி. அங்கோர் அசரீரி ஒலித்தது. அதைக்கேட்ட நான்முகன் தேவர்களை நோக்கி "பூமாதேவியின் மனக்கவலையை  ஸ்ரீனிவாசன் ஏற்கனவே அறிந்திருக்கிறார் ஆகவே அவர் பூலோகத்தில் யது குலத்தில் மானிடராக அவதரிக்க இருக்கிறார் ஆகவே தேவர்களும் தேவ ஸ்த்ரீகளும் பூலோகத்தில் பிறவியை அடைந்து, எவ்வளவு காலம் பகவான் பூபாரத்தை குறைக்க பூவுலகில் சஞ்சரிப்பாரோ அத்துனை காலம் நீங்களும் பூமியிலிருக்க வேண்டும் என்று கட்டளையிட்டார். யது குல தலைவனாகிய  சூரசேனர் மதுராவிலிருந்து அத்தேசத்தை ஆண்டு வந்தார். அவரின் புதல்வர் வசுதேவர் தாம் மணமுடித்த தேவகியுடன் தேரிலேறி புறப்பட்டான். உக்கிரசேனனின் புத்திரனும் தேவகியிடத்தில் அதீத அன்பு கொண்ட தமையனுமாகிய கம்சன் தேரோட்டியாக கடிவாளத்தை பிடிக்க "அறிவுகெட்டவனே எவளை வாகனத்தில் கொண்டு செல்கிறாயோ அவளுடைய எட்டாவது கர்ப்பம் உன்னைக் கொல்லப்போகிறது" என்று அ...
Read more

அயோத்திக்கும் திருவரங்கத்திற்கும் உள்ள தொடர்பு ..

Image
கடந்த ஜனவரி மாதம் உத்திர பிரதேச மாநிலத்தில் ராமரின் ஜன்ம பூமியான  அயோத்தியில் பாரதப் பிரமர் மோடியால் ப்ராண பிரதிஷ்டை செய்யப்பட்டு  பால ராமர் கோவில்  திறக்கப்பட்டது நாம் அனைவரும் அறிந்ததே.!! தமிழகத்தின் திருச்சியில் உள்ள ஸ்ரீரங்கம் கோவிலில் பாற்கடல் வண்ணனாக வீற்றிருக்கும் ரங்கநாதர் அயோத்தியில் இருந்து வந்தவர் என்பது நம்மில் எத்தனை பேருக்கு தெரியும்?! தசரதனின் மைந்தன் ராகவ ராமன் இலங்கை வேந்தன் ராவணனை யுத்தத்தில் வென்று சீதையுடன் அயோத்திற்கு வருகிறான். அங்கு அவரின் பட்டாபிஷேகம் வெகு விமரிசையாக நிகழ்கிறது. அவ்விழாவிற்கு பல்வேறு அரசர்கள் வருகை புரிந்தனர் அவர்களுள் புதிதாக இலங்கை மன்னனாக முடி சூடியுள்ள விபீஷணனும் இருந்தான். அயோத்திக்கு அரசனான ராமர் அனைவருக்கும் அவரவர் விரும்பிய பரிசுகளை வழங்க தன்னை விட்டு பிரிய வேண்டியதை நினைத்து கலங்கிய விபீஷணனுக்கு விஷ்ணு பாற்கடலில் சஞ்சரித்த நிலையில் இருக்கும் சிலையை  இலங்கைக்கு கொண்டு செல்ல வழங்கி இனி இவர் உன்னை வழி நடத்துவார் என்று கூறினார். விபீஷணனும் அக மகிழ்ந்து  அச்சிலையை சுமந்த வண்ணம் ஆகாய மார்கமாக இலங்கைக்குச்  சென்றார...
Read more